Sábado, 14 Decembro de 2019

O Concello asinará convenios de colaboración co Club do Mar e co Galicia de Mugardos

/ Martes, 28/01/2014 - 08:24
Concello de Mugardos - http://www.concellodemugardos.org/

Na Comisión Informativa de Facenda aprobáronse cos votos a favor de BNG, EU e PSdeG-PSOE  senllos convenios de colaboración co Club do Mar e co Galicia de Mugardos.

Estes convenios de colaboración deberán ser referendados, previo á súa sinatura, na sesión do Concello Pleno que terá lugar o venres, 31 de xaneiro.

O Convenio de colaboración entre o Concello e o Club do Mar contempla que o Concello abonará 13.000 € no ano 2014 para promover a actividade deportiva de adestramento e participación en eventos deportivos, así como pola organización dos seguintes eventos:

  • Regata de Traíñas dentro da Liga Galega de Traíñas LGT
  • Rota de BTT EDR 2014.FGC
  • I Open Galego XC de BTT. FGC
  • II Trail Carreira de Montaña Montefaro.FGR
  • Torneo de Chave.

O Convenio de colaboración entre o Concello e o Galicia de Mugardos contempla que o Concello abonará 15.000 € no ano 2014 para promover a actividade deportiva de adestramento e participación en eventos deportivos, así como pola organización dos seguintes eventos:

  • Torneo Concello de Fútbol 8 Categoría Base
  • Torneo de Fútbol Feminino
  • Trofeo Concello de Mugardos

Dende o goberno municipal queremos destacar a vontade negociadora das dúas entidades deportivas con forte implantación municipal para que os convenios poidan ser aprobados a principios de ano, así como o esforzo, nestes tempos tan complicados, para manter as actividades habituais das dúas entidades e facer un gran sacrificio por manter a organización dos eventos que viñan realizando e organizar probas novas dentro do termo municipal, como o I Open Galego XC de BTT e o Torneo de Fútbol Feminino.

O goberno municipal cumpre así un compromiso máis dos que tiña asinado no seu acordo de goberno, que era asinar convenios de colaboración coas entidades máis representativas do deporte e a cultura en Mugardos.