Xoves, 27 Abril de 2017

O vindeiro 2 de maio actívase o servizo de control poboacional de gaivotas

/ Xoves, 20/04/2017 - 08:43
Concello de Mugardos - http://www.concellodemugardos.gal/

O Concello de Mugardos activa novamente o servizo gratuíto para o control poboacional da gaivota patiamarela.

Dende o Concello de Mugardos queremos resaltar a importancia da colaboración da cidadanía para evitar as molestias nas rúas e os problemas que causan nos propios tellados, cos custos que isto carrexa.

O 2 de maio a empresa de control de aves Larus Control comezará este servizo. A próxima semana, do 24 ao 30 de abril, os veciños e veciñas que solicitaron asistencia en anos anteriores recibirán unha chamada telefónica para consultar se hai presenza de niños e/ou gaivotas nos seus tellados.

Aquelas persoas que precisen deste servizo poden inscribirse xa por algunha destas 3 canles:

  • Chamada telefónica á Policía Local nos números 629416969 ou 981470338, en horario de 9:00 a 14:00 horas, de luns a venres.
  • Enviando un correo electrónico á seguinte dirección: s.m.p.c.mugardos@gmail.com
  • En persoa no Concello, en horario de 9:00h. a 14:00 horas, de luns a venres.
Para que todas as demandas de recollida solicitadas poidan ser atendidas é preciso que as persoas interesadas acheguen os seguintes datos: nome, apelidos, enderezo e teléfono de contacto.

Unha vez facilitados, a empresa poñerase en contacto co/a veciño/a.

 
805