Domingo, 21 Xaneiro de 2018

O corredor Jonathan Ríos Fernández, do club Pasa ou Entorna, gaña a XIII Carreira de Fin de Ano Mugardos-Ares

/ Martes, 02/01/2018 - 10:03
Concello de Mugardos - http://www.concellodemugardos.gal/

Pese á intensa choiva da mañá, 276 deportistas remataron a popular San Silvestre.

A intensa choiva da mañá do 30 de decembro restou algo de participación á XIII Carreira de Fin de Ano Mugardos-Ares, que aínda coas adversas condicións meteorolóxicas tivo a 276 deportistas cruzando a meta tras un percorrido de dez kilómetros entre as dúas localidades -había 450 inscritos-.

O corredor nedense Jonathan Fernández Ríos, do club Pasa ou Entorna, foi o gañador da categoría absoluta cun tempo de 36,04 minutos. Despois del chegaron Gonzalo Berlmonte Martell, de Sada, e o mugardés Javier Prieto Rivas, do club Massalud Fene, con tempos de 38,02 e 38,20 minutos respectivamente.

1034

A primeira corredora clasificada foi Laura Núñez Naveira, da Coruña, cun tempo de 47,22 minutos. Na categoría feminina ocuparon o segundo e terceiro postos María Isabel Felgar López, do club Pasa ou Entorna, e Silvia Gestal Golán, con tempos de 48,14 e 48,58 minutos respectivamente.

1030

Mugardos acolleu este ano a saída e a meta da carreira, que organizan desde hai trece anos conxuntamente as áreas de Deportes dos Concellos de Mugardos e Ares e que adoita ter un carácter festivo e lúdico máis que estritamente competitivo.

1031

Os corredores  e corredoras partiron da Avenida de Galicia ás once da mañá e completaron o itinerario que os levou pola estrada AC-130 ata o paseo marítimo de Ares e volta, para superar a meta situada no Pavillón Municipal do Cristo. Alí repartiuse avituallamento sólido e líquido aos deportistas e se procedeu a facer un sorteo de dez cestas de Nadal.

1032

A alcaldesa de Mugardos, Pilar Díaz, agradeceu o esforzo realizado por todos e todas as persoas que tomaron parte na carreira e convocounos xa para a vindeira edición, dentro dun ano.