Mércores, 11 Decembro de 2019

Mugardos e Ares convocan para o día 29 de decembro a súa tradicional Carreira Popular de Fin de Ano

/ Mércores, 27/11/2019 - 11:39
Concello de Mugardos - http://www.concellodemugardos.gal/

A proba presentouse onte no Concello mugardés, ao que nesta edición correspóndelle poñer as liñas de saída e de meta.

Ao Concello de Mugardos tócalle este ano pintar as liñas de saída e de meta da XV edición da Carreira Popular de Fin de Ano que organiza conxuntamente con Ares. A alcaldesa, Pilar Díaz, e a concelleira de Deportes, Lola González, xunto coa concelleira de Deportes do Concello de Ares, Noelia Montero, presentaron onte a proba, que se vai desenvolver o día 29 de decembro, domingo, e que percorrerá como sempre un traxecto de 10 quilómetros entre os dous municipios.
 
O único requisito para participar é pagar os 4 euros da inscrición, que pode realizarse xa a través da páxina www.carreirasgalegas.com, e ter cumpridos os 16 anos o día da proba. A saída tomarase desde diante do Concello de Mugardos, ás 11.00 horas, e os dorsais poderán retirarse con anterioridade o mesmo día - de 09.00 a 10.30 horas- ou a véspera - de 09.00 a 14.00 e de 17.00 a 20.30 horas - no Pavillón Municipal do Cristo.
 
A liña de meta estará no Pavillón do Cristo e o xa tradicional sorteo de dez cestas navideñas. Haberá unha clasificación xeral por tempos nunha categoría única. Como en anos anteriores hai un máximo de 500 participantes e o prazo de inscrición estará aberto ata o remate do día 25 de decembro.
 
1629